فتح جحا عيادة وحط فوقها اعلان

نعالج جميع الأمراض بمئة جنيه و اذا ما شقيتش نديلك 200جنيه بدل الــ 100
واحد نصاب فاكر نفسه ذكي شاف الاعلان و قال فرصة ناخد لنا كم جنيه
من وراء العبيط جحا
دخل العيادة و دفع 100 جنيه
وقاله جحا: ان شاء الله خير
قال النصاب والله أنا فاقد حاسة التذوق ومش باستطعم الأكل
قاله جحا بس!دي بسيطة.... يا ممرضة هاتي ملعقة من العلبة 22 و حطيها في بق المريض
النصاب بعد ما جرب الملعقة صرخ قال يع ايه ده حنضل!
قاله جحا مبروك كده رجعنا لك حاسة التذوق
طلع النصاب متنرفز و قال لازم ارجع فلوسي من جحا
فرجع بعد يومين و دفع الـ 100 جنيه و قال لجحا انه فاقد الذاكرة
قاله جحا مش مشكلة ... يا ممرضة جيبي شوية من العلبة رقم 22
على طول قال النصاب: بس العلبة 22 فيها حنضل!
فرد جحا: ألف مبروك وكده رجعنالك لك ذاكرتك!